3

[APIO]

Lìaukìe ki̱ tūi nāi'è lo̱i jūngthe̱t ŋa̱i ji̱t cho̱ng chām è kē sį̱tkíen. Jà sèu vo̱ngcį̀ mūn ŋa̱i tóng tó mūnthi̱, m̱kō ŋa̱i mūn ki̱ kē mūnthi̱, ki̱ ji̱t ca̱k tū mo̱ tháng tò kē jōng'è. Ŋa̱i cēu ki̱ pàipàè kòng chu̱tlo̱i kē fā mānmānè phóisìong chu̱t ki̱ kē ji̱tchi̱et.

Chīong ki̱ thī-ji̱t pài khōn tò ŋa̱i kē fíha̱ngkí (jàvī ŋa̱i m̱ fā ŋa̱ikē fíha̱ngkí, tūi ŋa̱i lo̱i kòng the̱t fūkchāp lè). Ki̱ mūn ŋa̱i kòng:

"Kē hē màkīe túngsí?"

"Kē m̱ hē túngsí, ki̱ vōi pí, jà hē ji̱t līong fíha̱ngkí. Jà hē ŋa̱ikē fíha̱ngkí."

Pún ki̱ tí ŋa̱i vōi sį̀ fíha̱ngkí, ŋa̱i kàmko̱k chīn sáphī.

Ki̱ thāisáng kòng:

"Há! Ŋi̱ tūi thíen tàng hálo̱i?"

"Hē ā!" ŋa̱i khíamhí ēn ki̱.

"O̱! Kē jī sénchī!"

Sèu vo̱ngcį̀ fa̱tchu̱t ji̱t cho̱ng chōn te̱t-ŋi̱n-si̱ak-kē sēusáng, jà mù tō ŋa̱i tóng sūhī. Ŋa̱i ōi ki̱ ŋīncį́n lo̱i khōn ŋa̱i tu̱ tò kē cáinān.

https://imgsa.baidu.com/forum/pic/item/487ca2ec08fa513d64244dac3c6d55fbb3fbd92d.jpg